ரெடிமிக்ஸ் வடைமாவு தேவையானவை: உளுந்தம்பருப்பு - 1 கப், அரிசிமாவு - 1/4 கப், பெருங்காயத்தூள், பேக்கிங் பவுடர், மிளகு - தலா 1/4 ஸ்பூன், பச்சைமிளகாய் - 2 (பொடியாக நறுக்கவும்), கறிவேப்பிலை - சிறிதளவு, எண்ணெய் - 1/2 ஸ்பூன், உப்பு - ருசிக்கேற்ப. செய்முறை: தண்ணீரில் உளுந்தை இருமுறைக் கழுவி, நீரை வடித்து, ஒரு துணியில் பரப்பி, காயவைக்கவும். பின்னர், வெறும் கடாயில் போட்டு, சூடு வரும்வரை வறுத்தெடுத்து, மிக்ஸியில் பொடிக்கவும். இதனுடன் உப்பு, பெருங்காயத்தூள், பேக்கிங் பவுடர், அரிசிமாவு சேர்த்து, கலக்கவும். 1 ஸ்பூன் எண்ணெய்யை சூடாக்கி, நறுக்கிய ப.மிளகாய், கறிவேப்பிலை சேர்த்து, ஈரமில்லாமல் எடுக்கவும். இதையும் அரைத்த மாவில் சேர்த்து, நன்றாகக் கலந்துவிட்டால், 'வடைமாவு' தயார். குறிப்பு: தேவைப்படும்போது, இந்த மாவில் தண்ணீர் ஊற்றிக் கலந்து, வடைகள் செய்யலாம். கபாலி புர்குலி தேவையானவை: பறங்கிப்பூ இதழ்கள் - 10, பாசிப்பருப்பு - 1 கப், சோம்பு, தனியா - தலா 1 ஸ்பூன், பச்சைமிளகாய் - 4, நெய் - 2 ஸ்பூன், புதினா 1 கைப்பிடி, உப்பு, எண்ணெய் - தேவைக்கு. செய்முறை: பாசிப்பருப்பை ஊறவைத்து, நீரை வடித்து, சோம்பு, த...
பனீர் வெஜ் சாலட்
பனீர் வெஜ் சாலட்
தேவையானவை: துருவிய பனீர், கேரட், பொடியாக நறுக்கிய
வெள்ளரிக்காய், வெங்காயம் - தலா 1/4 கப், பச்சை மிளகாய் -2 (இரண்டாக கீறிக்கொள்ளவும்), பொடியாக நறுக்கிய கொத்தமல்லித்தழை சிறிதளவு, எலுமிச்சைச்சாறு - 1.5 டீஸ்பூன், மிளகுத்தூள் 1/2 டீஸ்பூன், உப்பு - தேவைக்கு.
செய்முறை: மேலே கொடுக்கப்பட்டுள்ள
பொருள்கள் எல்லாவற்றையும் அகலமான பாத்திரத்தில் போட்டு, நன்றாகக் கலந்து பரிமாறவும்
. பனீர் மசாலா பப்பட்
தேவையானவை: மிளகு அப்பளம் - 2, துருவிய பனீர், துருவிய கேரட்,
பொடியாக நறுக்கிய வெங்காயம், தக்காளி, மஞ்சள் குடைமிளகாய் - தலா 1 கப் மிளகாய்த்தூள் - 3/4 டீஸ்பூன், மாங்காய்த்தூள், சாட் மசாலாத்தூள் தலா 1/4 டீஸ்பூன், உப்பு - சிறிதளவு.
செய்முறை: அடுப்பில் தோசைக்கல்லை நன்றாக சூடுபடுத்தி,
மிளகு அப்பளத்தை போட்டு, இரண்டு பக்கமும் திருப்பிவிட்டு சுட்டு எடுக்கவும். மற்ற பொருள்கள் எல்லாவற்றையும் ஒன்றாகக் கலந்து, சுட்ட மிளகு அப்பளம் மீது பரப்பி வைத்து, ஏதாவதொரு சூப்புடன் பரிமாறவும்.
பனீர் ஸ்டிக்ஸ்
தேவையானவை: நீளமாக மெலிதாக நறுக்கிய பனீர் - 100 கிராம், மைதா 1/2 டேபிள் ஸ்பூன், கார்ன் ஃப்ளோர் - 1 டீஸ்பூன், காஷ்மீரி மிளகாய்த்தூள் 1 டீஸ்பூன், மாங்காய்த்தூள், சாட் மசாலாத்தூள், இட்டாலியன் சீஸனிங் - தலா 3/4 டீஸ்பூன், உப்பு, எண்ணெய் - தேவைக்கு.
செய்முறை : மேற்காணும் எல்லா பொருள்களையும் பனீர்துண்டுகளுடன் சேர்த்து, சிறிதளவு தண்ணீர் தெளித்துப் பிசறி
வைக்கவும். கடாயை அடுப்பில் வைத்து, எண்ணெய் ஊற்றி, அது காய்ந்ததும் பனீர் துண்டுகளைபோடவும். அடுப்பை மிதமான தீயில் வைத்து பொன்னிறமாகப் பொரித்து எடுக்கவும்.
பிரட் பனீர் ரோல்
தேவையானவை: ஓரம் நீக்கிய பிரெட் துண்டுகள் - 4, துருவிய பனீர் 1/2 கப், காஷ்மீரி மிளகாய்த்தூள் - 3/4 டீஸ்பூன், கரம் மசாலாத்தூள், சாட் மசாலாத்தூள், எலுமிச்சைச்சாறு - தலா 1/2 டீஸ்பூன், நெய் - 4 டீஸ்பூன், தக்காளி சாஸ் - சிறிதளவு, உப்பு - தேவைக்கு.
செய்முறை: பிரெட் துண்டுகளை சப்பாத்தி கட்டையில் வைத்து, மெலிதாக தேய்த்துக்கொள்ளவும். துருவிய பனீர், காஷ்மீரி மிளகாய்த்தூள், கரம் மசாலாத்தூள், சாட் மசாலாத்தூள், எலுமிச்சைச்சாறு, தக்காளி சாஸ், உப்பு ஆகியவற்றை ஒன்றாகச் சேர்த்து கலந்து கொள்ளவும். தேய்த்த பிரெட்டில், பனீர் கலவையை வைத்து சுருட்டவும். ஓரத்தில் தண்ணீர் தொட்டு ஒட்டிவிடவும். தோசைக்கல்லில் நெய் ஊற்றி, தயார் செய்து வைத்துள்ள பனீர் - பிரெட் ரோலை போட்டு, எல்லாப் பக்கமும் பொன்னிறமாகும் வரை திருப்பிவிட்டு, டோஸ்ட் செய்து எடுக்கவும். தக்காளி சாஸ் மற்றும் புதினா சட்னியுடன் பரிமாறவும்.
கருத்துகள்
கருத்துரையிடுக