ரெடிமிக்ஸ் வடைமாவு தேவையானவை: உளுந்தம்பருப்பு - 1 கப், அரிசிமாவு - 1/4 கப், பெருங்காயத்தூள், பேக்கிங் பவுடர், மிளகு - தலா 1/4 ஸ்பூன், பச்சைமிளகாய் - 2 (பொடியாக நறுக்கவும்), கறிவேப்பிலை - சிறிதளவு, எண்ணெய் - 1/2 ஸ்பூன், உப்பு - ருசிக்கேற்ப. செய்முறை: தண்ணீரில் உளுந்தை இருமுறைக் கழுவி, நீரை வடித்து, ஒரு துணியில் பரப்பி, காயவைக்கவும். பின்னர், வெறும் கடாயில் போட்டு, சூடு வரும்வரை வறுத்தெடுத்து, மிக்ஸியில் பொடிக்கவும். இதனுடன் உப்பு, பெருங்காயத்தூள், பேக்கிங் பவுடர், அரிசிமாவு சேர்த்து, கலக்கவும். 1 ஸ்பூன் எண்ணெய்யை சூடாக்கி, நறுக்கிய ப.மிளகாய், கறிவேப்பிலை சேர்த்து, ஈரமில்லாமல் எடுக்கவும். இதையும் அரைத்த மாவில் சேர்த்து, நன்றாகக் கலந்துவிட்டால், 'வடைமாவு' தயார். குறிப்பு: தேவைப்படும்போது, இந்த மாவில் தண்ணீர் ஊற்றிக் கலந்து, வடைகள் செய்யலாம். கபாலி புர்குலி தேவையானவை: பறங்கிப்பூ இதழ்கள் - 10, பாசிப்பருப்பு - 1 கப், சோம்பு, தனியா - தலா 1 ஸ்பூன், பச்சைமிளகாய் - 4, நெய் - 2 ஸ்பூன், புதினா 1 கைப்பிடி, உப்பு, எண்ணெய் - தேவைக்கு. செய்முறை: பாசிப்பருப்பை ஊறவைத்து, நீரை வடித்து, சோம்பு, த...
வடகறி மசாலா
தேவையான பொருட்கள்: சிறிய வடை (மசால்வடை மட்டும்தான்) எனில் - 8, பெரிய வடை எனில் - 4, வெங்காயம் - 2, தக்காளி - 2, கரம் மசாலா - 1/2 டீஸ்பூன், மஞ்சள் தூள் 1/4 டீஸ்பூன், மிளகாய்த் தூள் - ஒரு டீஸ்பூன், தனியாப் பொடி - 1/2 டீஸ்பூன், எண்ணெய் 4 டேபிள் ஸ்பூன், கடுகு - ஒரு டீஸ்பூன், இஞ்சி பூண்டு விழுது - ஒரு டீஸ்பூன், கொத்துமல்லித் தழை, உப்பு -தேவையான அளவு.
செய்முறை: கடாயில் எண்ணெய் விட்டு கடுகு தாளிக்கவும். பொடியாக நறுக்கின வெங்காயம், தக்காளியைப் போட்டு வதக்கவும். மஞ்சள் பொடி, மிளகாய்ப் பொடி, உப்பு சேர்த்து வதக்கி சிறிது தண்ணீர் விட்டு கொதி வந்தவுடன் இஞ்சி பூண்டு விழுதைச் சேர்க்கவும். பின் கரம் மசாலா தூவி, வடையை உதிர்த்துப் போட்டு கொதிக்கவிட்டு இறக்கி கொத்துமல்லித் தழை தூவவும்.
ஃப்ரூட் டிலைட் மசாலா
தேவையான பொருட்கள்: கிடைத்த அத்தனை பழங்களையும் கட் செய்து 1 கப், மிளகுத்தூள் - 1 டீஸ்பூன், மிளகாய்த்தூள் - 1/4 டீஸ்பூன், கரம்மசாலா 1/2 டீஸ்பூன், சாட்மசாலா 1/4 டீஸ்பூன், வெங்காயம் 1,தக்காளி - 1, உப்பு
தேவையான அளவு.
செய்முறை: கடாயில் எண்ணெய் விட்டு பொடியாக நறுக்கிய வெங்காயம், தக்காளியை வதக்கவும். மஞ்சள்தூள், மிளகாய்த்தூள், மிளகுத்தூள் சேர்த்து வதக்கி தண்ணீர் விட்டு தேவையான உப்பைப் போடவும். பச்சை வாசனை போகும் வரை கொதிக்கவிட்டு சாட் மசாலா, கரம்மசாலா பொடியோடு பழங்களையும் சேர்த்துக் கிளறி அடுப்பை அணைத்து விடவும்.
டிப்ஸ்: பழங்களைப் போட்டு ஒரு கொதி வந்தவுடன் இறக்கிவிடவும்.
கருத்துகள்
கருத்துரையிடுக