ரெடிமிக்ஸ் வடைமாவு தேவையானவை: உளுந்தம்பருப்பு - 1 கப், அரிசிமாவு - 1/4 கப், பெருங்காயத்தூள், பேக்கிங் பவுடர், மிளகு - தலா 1/4 ஸ்பூன், பச்சைமிளகாய் - 2 (பொடியாக நறுக்கவும்), கறிவேப்பிலை - சிறிதளவு, எண்ணெய் - 1/2 ஸ்பூன், உப்பு - ருசிக்கேற்ப. செய்முறை: தண்ணீரில் உளுந்தை இருமுறைக் கழுவி, நீரை வடித்து, ஒரு துணியில் பரப்பி, காயவைக்கவும். பின்னர், வெறும் கடாயில் போட்டு, சூடு வரும்வரை வறுத்தெடுத்து, மிக்ஸியில் பொடிக்கவும். இதனுடன் உப்பு, பெருங்காயத்தூள், பேக்கிங் பவுடர், அரிசிமாவு சேர்த்து, கலக்கவும். 1 ஸ்பூன் எண்ணெய்யை சூடாக்கி, நறுக்கிய ப.மிளகாய், கறிவேப்பிலை சேர்த்து, ஈரமில்லாமல் எடுக்கவும். இதையும் அரைத்த மாவில் சேர்த்து, நன்றாகக் கலந்துவிட்டால், 'வடைமாவு' தயார். குறிப்பு: தேவைப்படும்போது, இந்த மாவில் தண்ணீர் ஊற்றிக் கலந்து, வடைகள் செய்யலாம். கபாலி புர்குலி தேவையானவை: பறங்கிப்பூ இதழ்கள் - 10, பாசிப்பருப்பு - 1 கப், சோம்பு, தனியா - தலா 1 ஸ்பூன், பச்சைமிளகாய் - 4, நெய் - 2 ஸ்பூன், புதினா 1 கைப்பிடி, உப்பு, எண்ணெய் - தேவைக்கு. செய்முறை: பாசிப்பருப்பை ஊறவைத்து, நீரை வடித்து, சோம்பு, த...
எல்லோ ரைஸ்
தேவையானவை:
புழுங்கல் அரிசி - 1 கப், துவரம் பருப்பு - அரை கப், தேங்காய்த்துருவல் கால் கப், பூண்டு 4 பல், காய்ந்த மிளகாய் 6. சீரகம் - 2 டீஸ்பூன், மஞ்சள்தூள் - சிறிதளவு, உப்பு-தேவையான அளவு. தாளிக்க: கடுகு -ஒரு டீஸ்பூன், நெய், எண்ணெய் - தலா 2 டீஸ்பூன், கருவடகம் 1 டேபிள் ஸ்பூன், காய்ந்த மிளகாய் - 2, கறிவேப்பிலை - சிறிதளவு.
செய்முறை:
பூண்டு, காய்ந்த மிளகாய், சீரகம் ஆகியவற்றை ஒன்றாக சேர்த்து விழுதாக அரைக்கவும். அரிசி, துவரம் பருப்பு இரண்டையும் தண்ணீரில் அலசி குக்கரில் போடவும் அதனுடன் மஞ்சள்தூள், சிறிதளவு உப்பு, 4 டம்ளர் தண்ணீர், அரைத்த விழுது சேர்த்து 4 விசில் வரும் வரை வேகவைக்கவும். பின்னர் அடுப்பை 5 நிமிடம் சிம்மில் வைத்திருந்து இறக்கவும். வாணலியில் எண்ணெய், நெய் விட்டு கடுகு, கிள்ளிய காய்ந்த மிளகாய், கருவடகம், கறிவேப்பிலை சேர்த்து சிவக்க வறுத்து, அரிசி-பருப்பு சாதம், தேங்காய்த்துருவல், தேவையான அளவு உப்பு சேர்த்து நன்றாக கிளறி இறக்கவும்.
கருத்துகள்
கருத்துரையிடுக