ரெடிமிக்ஸ் வடைமாவு தேவையானவை: உளுந்தம்பருப்பு - 1 கப், அரிசிமாவு - 1/4 கப், பெருங்காயத்தூள், பேக்கிங் பவுடர், மிளகு - தலா 1/4 ஸ்பூன், பச்சைமிளகாய் - 2 (பொடியாக நறுக்கவும்), கறிவேப்பிலை - சிறிதளவு, எண்ணெய் - 1/2 ஸ்பூன், உப்பு - ருசிக்கேற்ப. செய்முறை: தண்ணீரில் உளுந்தை இருமுறைக் கழுவி, நீரை வடித்து, ஒரு துணியில் பரப்பி, காயவைக்கவும். பின்னர், வெறும் கடாயில் போட்டு, சூடு வரும்வரை வறுத்தெடுத்து, மிக்ஸியில் பொடிக்கவும். இதனுடன் உப்பு, பெருங்காயத்தூள், பேக்கிங் பவுடர், அரிசிமாவு சேர்த்து, கலக்கவும். 1 ஸ்பூன் எண்ணெய்யை சூடாக்கி, நறுக்கிய ப.மிளகாய், கறிவேப்பிலை சேர்த்து, ஈரமில்லாமல் எடுக்கவும். இதையும் அரைத்த மாவில் சேர்த்து, நன்றாகக் கலந்துவிட்டால், 'வடைமாவு' தயார். குறிப்பு: தேவைப்படும்போது, இந்த மாவில் தண்ணீர் ஊற்றிக் கலந்து, வடைகள் செய்யலாம். கபாலி புர்குலி தேவையானவை: பறங்கிப்பூ இதழ்கள் - 10, பாசிப்பருப்பு - 1 கப், சோம்பு, தனியா - தலா 1 ஸ்பூன், பச்சைமிளகாய் - 4, நெய் - 2 ஸ்பூன், புதினா 1 கைப்பிடி, உப்பு, எண்ணெய் - தேவைக்கு. செய்முறை: பாசிப்பருப்பை ஊறவைத்து, நீரை வடித்து, சோம்பு, த...
நவரத்ன மசாலா
தேவையான பொருட்கள்: கிடைக்கும் எல்லாக் காய்களும் பொடியாக நறுக்கியது - ஒரு கப், மஞ்சள்தூள் - 1/2 டீஸ்பூன், மிளகாய்த்தூள் - ஒரு டீஸ்பூன், வெங்காயம் - 2, தக்காளி - 2, தேங்காய் - 4 பத்தை, உடைச்சகடலை - ஒரு டீஸ்பூன், கசகசா - ஒரு டீஸ்பூன், எண்ணெய் 2 டேபிள்ஸ்பூன், கரம்மசாலா - ஒரு டீஸ்பூன், பட்டை 2.லவங்கம் 2, மராத்தி மொக்கு - 2, உப்பு - தேவையான அளவு. -
செய்முறை: பட்டை, லவங்கம், மராத்தி மொக்கு மூன்றையும் வாணலியில் வறுத்து பொடித்து வைத்துக் கொள்ளவும். தேங்காய், உடைச்சகடலை, கசகசாவை அரைத்து பேஸ்ட் போல் வைத்துக் கொள்ளவும். தக்காளி, வெங்காயத்தை வாணலியில் எண்ணெய் விட்டு வதக்கிக் கொள்ளவும். பின்னர் காய்களையும் சேர்த்து வதக்கி உப்பு, மஞ்சள்தூள், மிளகாய்த்தூள் சேர்த்து 1/2 கப் தண்ணீர் விட்டு பேனில் திறந்தபடி வேக வைக்கவும். ஒரு கொதி வந்தபின் தேங்காய் பேஸ்டை கலந்து, ஒரு கொதிவந்தபின் நுணுக்கிய பவுடரை சேர்த்துக் கிளறி இறக்கிவிடவும்.
டிப்ஸ் : நுணுக்கிய பவுடர் கடைசியில் சேர்த்தால் வாசனையே
ஆனியன் கிரேவி
தேவையான பொருட்கள்: சாம்பார் வெங்காயம் - 1/2 கிலோ, மஞ்சள்தூள் 1/2 டீஸ்பூன், மிளகாய்தூள் - ஒரு டீஸ்பூன், கடுகு 1/2 டீஸ்பூன், எண்ணெய் - 3 டேபிள் ஸ்பூன், புளித்தண்ணீர் - ஒரு கப், வெல்லத்தண்ணீர் (கரைத்த வெல்லம்) ஒரு கப், எலுமிச்சம்பழம் 1/2 மூடி, கறிவேப்பிலை, உப்பு தேவையானஅளவு.
செய்முறை: கடாயில் எண்ணெய் விட்டு, கடுகு கறிவேப்பிலை தாளிக்கவும். சாம்பார் வெங்காயத்தை உறித்து முழுதாகப் போட்டு நன்கு வதக்கவும் (ப்ரவுன் நிறம் வேண்டாம்). புளித்தண்ணீர், வெல்லத் தண்ணீர் ஊற்றி உப்பு, மஞ்சள்தூள், மிளகாய்த்தூள், சேர்த்து வெங்காயத்தை வேகவிடவும். ஒரு கொதி வந்தபின் இறக்கி எலுமிச்சம்பழம் பிழியவும்.
டிப்ஸ் : சாம்பார் வெங்காயம் முழுதாகப் போட்டால்தான் பார்க்க அழகு, சாப்பிட ருசி!
கருத்துகள்
கருத்துரையிடுக