ரெடிமிக்ஸ் வடைமாவு தேவையானவை: உளுந்தம்பருப்பு - 1 கப், அரிசிமாவு - 1/4 கப், பெருங்காயத்தூள், பேக்கிங் பவுடர், மிளகு - தலா 1/4 ஸ்பூன், பச்சைமிளகாய் - 2 (பொடியாக நறுக்கவும்), கறிவேப்பிலை - சிறிதளவு, எண்ணெய் - 1/2 ஸ்பூன், உப்பு - ருசிக்கேற்ப. செய்முறை: தண்ணீரில் உளுந்தை இருமுறைக் கழுவி, நீரை வடித்து, ஒரு துணியில் பரப்பி, காயவைக்கவும். பின்னர், வெறும் கடாயில் போட்டு, சூடு வரும்வரை வறுத்தெடுத்து, மிக்ஸியில் பொடிக்கவும். இதனுடன் உப்பு, பெருங்காயத்தூள், பேக்கிங் பவுடர், அரிசிமாவு சேர்த்து, கலக்கவும். 1 ஸ்பூன் எண்ணெய்யை சூடாக்கி, நறுக்கிய ப.மிளகாய், கறிவேப்பிலை சேர்த்து, ஈரமில்லாமல் எடுக்கவும். இதையும் அரைத்த மாவில் சேர்த்து, நன்றாகக் கலந்துவிட்டால், 'வடைமாவு' தயார். குறிப்பு: தேவைப்படும்போது, இந்த மாவில் தண்ணீர் ஊற்றிக் கலந்து, வடைகள் செய்யலாம். கபாலி புர்குலி தேவையானவை: பறங்கிப்பூ இதழ்கள் - 10, பாசிப்பருப்பு - 1 கப், சோம்பு, தனியா - தலா 1 ஸ்பூன், பச்சைமிளகாய் - 4, நெய் - 2 ஸ்பூன், புதினா 1 கைப்பிடி, உப்பு, எண்ணெய் - தேவைக்கு. செய்முறை: பாசிப்பருப்பை ஊறவைத்து, நீரை வடித்து, சோம்பு, த...
தேவையானவை: ஓட்ஸ் - ஒரு கப், அரிசி மாவு, வெள்ளை ரவை - தலா கால் கப், தயிர் - 2 டீஸ்பூன், நறுக்கிய கொத்துமல்லித்தழை - ஒரு கைப்பிடியளவு, சீரகம் - ஒரு டீஸ்பூன், இஞ்சி - ஒரு இன்ச், பச்சைமிளகாய் - ஒன்று, உப்பு - தேவைக்கு. செய்முறை: ஓட்ஸை வெறும் வாணலியில் போட்டு வரும் வரை நன்றாக வறுத்து ஆறியதும் மிக்ஸியில் போட்டு அரைத்து மாவாக்கவும். அகலமான பாத்திரத்தில் பொடித்த ஓட்ஸ், அரிசி மாவு, வெள்ளை ரவை, சீரகம், நறுக்கிய பச்சைமிளகாய், பொடியாக நறுக்கிய இஞ்சி, கொத்துமல்லித்தழை, உப்பு, தயிர் சேர்த்து சிறிது சிறிதாக தண்ணீர்விட்டு 'ரவா தோசை பதத்திற்கு கரைக்கவும். இந்த மாவை சூடான தோசைக்கல்லில் ரவா தோசையைப் போல ஊற்றி, சுற்றிலும் சிறிதளவு எண்ணெய் விட்டு, தோசைக்கல்லை மூடி வேகவிடவும். ஒருபுறம் வெந்ததும் மறுபுறம் திருப்பிப் போட்டு மொறுமொறுப்பாக வெந்ததும் எடுக்கவும்.