ரெடிமிக்ஸ் வடைமாவு தேவையானவை: உளுந்தம்பருப்பு - 1 கப், அரிசிமாவு - 1/4 கப், பெருங்காயத்தூள், பேக்கிங் பவுடர், மிளகு - தலா 1/4 ஸ்பூன், பச்சைமிளகாய் - 2 (பொடியாக நறுக்கவும்), கறிவேப்பிலை - சிறிதளவு, எண்ணெய் - 1/2 ஸ்பூன், உப்பு - ருசிக்கேற்ப. செய்முறை: தண்ணீரில் உளுந்தை இருமுறைக் கழுவி, நீரை வடித்து, ஒரு துணியில் பரப்பி, காயவைக்கவும். பின்னர், வெறும் கடாயில் போட்டு, சூடு வரும்வரை வறுத்தெடுத்து, மிக்ஸியில் பொடிக்கவும். இதனுடன் உப்பு, பெருங்காயத்தூள், பேக்கிங் பவுடர், அரிசிமாவு சேர்த்து, கலக்கவும். 1 ஸ்பூன் எண்ணெய்யை சூடாக்கி, நறுக்கிய ப.மிளகாய், கறிவேப்பிலை சேர்த்து, ஈரமில்லாமல் எடுக்கவும். இதையும் அரைத்த மாவில் சேர்த்து, நன்றாகக் கலந்துவிட்டால், 'வடைமாவு' தயார். குறிப்பு: தேவைப்படும்போது, இந்த மாவில் தண்ணீர் ஊற்றிக் கலந்து, வடைகள் செய்யலாம். கபாலி புர்குலி தேவையானவை: பறங்கிப்பூ இதழ்கள் - 10, பாசிப்பருப்பு - 1 கப், சோம்பு, தனியா - தலா 1 ஸ்பூன், பச்சைமிளகாய் - 4, நெய் - 2 ஸ்பூன், புதினா 1 கைப்பிடி, உப்பு, எண்ணெய் - தேவைக்கு. செய்முறை: பாசிப்பருப்பை ஊறவைத்து, நீரை வடித்து, சோம்பு, த...
தேவையானவை: உருளைக்கிழங்கு பச்சைமிளகாய் 1, பொடியாக நறுக்கிய இஞ்சி - ஒரு டீஸ்பூன், ரஸ்க் தூள் ஒரு கப், கரம் மசாலாத்தூள் அரை டீஸ்பூன், எண்ணெய் 200 மில்லி, உப்பு
தேவையான அளவு உருளைக்கிழங்கை வேகவைத்து தோல் உரித்து மசித்துக் கொள்ளவும். வாணலியில் சிறிதளவு எண்ணெய் ஊற்றி பொடியாக நறுக்கிய இஞ்சி, பச்சைமிளகாயைப் போட்டு வதக்கவும். இதனுடன் மசித்த உருளைக்கிழங்கு, கரம்மசாலாத்தூள், உப்பு சேர்த்து நன்றாகப் பிசைந்து சிறிய சைஸ் வட்டங்களாகத் தட்டி, பொடித்த ரஸ்க் தூளில் பிரட்டி எடுத்து, நன்றாகக் காய்ந்த எண்ணெயில் போட்டு பொரித்து எடுத்து, விருப்பமான சாஸுடன் பரிமாறவும்.
உளுந்தம் பருப்பு சாதம்
தேவையானவை: பச்சரிசி(அ) புழுங்கலரிசி 1 கப், தோல் உளுந்தம்பருப்பு அரை கப், தேங்காய்த்துருவல் அரை கப், பூண்டு - 15 பல், மஞ்சள்தூள் - கால் டீஸ்பூன், சீரகம் - 1 டீஸ்பூன், உப்பு தேவையான அளவு.
செய்முறை: குக்கரில் 5 டம்ளர் தண்ணீர் விட்டு கொதிக்க வைத்து அரிசி, பருப்பை களைந்து போடவும். அதனுடன் மஞ்சள்தூள், சீரகம், பூண்டு, உப்பு சேர்த்து, மூடி ஒரு விசில் வந்ததும் அடுப்பை அணைத்து குக்கரைத் திறந்து தேங்காய்த்துருவல் சேர்த்துக் கிளறிப் பரிமாறவும். இந்த சாதத்திற்கு எள்ளுத்துவையல், தேங்காய்த்துவையல், அப்பளம், வெங்காய வடகம் இவையனைத்துமே தொட்டுக்கொள்ள நல்ல பொருத்தம்.
கருத்துகள்
கருத்துரையிடுக