ரெடிமிக்ஸ் வடைமாவு தேவையானவை: உளுந்தம்பருப்பு - 1 கப், அரிசிமாவு - 1/4 கப், பெருங்காயத்தூள், பேக்கிங் பவுடர், மிளகு - தலா 1/4 ஸ்பூன், பச்சைமிளகாய் - 2 (பொடியாக நறுக்கவும்), கறிவேப்பிலை - சிறிதளவு, எண்ணெய் - 1/2 ஸ்பூன், உப்பு - ருசிக்கேற்ப. செய்முறை: தண்ணீரில் உளுந்தை இருமுறைக் கழுவி, நீரை வடித்து, ஒரு துணியில் பரப்பி, காயவைக்கவும். பின்னர், வெறும் கடாயில் போட்டு, சூடு வரும்வரை வறுத்தெடுத்து, மிக்ஸியில் பொடிக்கவும். இதனுடன் உப்பு, பெருங்காயத்தூள், பேக்கிங் பவுடர், அரிசிமாவு சேர்த்து, கலக்கவும். 1 ஸ்பூன் எண்ணெய்யை சூடாக்கி, நறுக்கிய ப.மிளகாய், கறிவேப்பிலை சேர்த்து, ஈரமில்லாமல் எடுக்கவும். இதையும் அரைத்த மாவில் சேர்த்து, நன்றாகக் கலந்துவிட்டால், 'வடைமாவு' தயார். குறிப்பு: தேவைப்படும்போது, இந்த மாவில் தண்ணீர் ஊற்றிக் கலந்து, வடைகள் செய்யலாம். கபாலி புர்குலி தேவையானவை: பறங்கிப்பூ இதழ்கள் - 10, பாசிப்பருப்பு - 1 கப், சோம்பு, தனியா - தலா 1 ஸ்பூன், பச்சைமிளகாய் - 4, நெய் - 2 ஸ்பூன், புதினா 1 கைப்பிடி, உப்பு, எண்ணெய் - தேவைக்கு. செய்முறை: பாசிப்பருப்பை ஊறவைத்து, நீரை வடித்து, சோம்பு, த...
தேவையானவை: காய்ந்த மிளகாய் - 5, தனியா - 3 டேபிள் ஸ்பூன், மிளகு, சீரகம் தலா 2 டீஸ்பூன், ஓமம் - ஒரு டீஸ்பூன், சின்ன வெங்காயம் 6, பூண்டு 15 பல், புளி - எலுமிச்சை அளவு, நல்லெண்ணெய் - ஒரு குழிக்கரண்டி, உப்பு - தேவையான அளவு.
செய்முறை: புளியை நீரில் ஊற வைத்து கெட்டியாக கரைக்கவும். அதில் உப்பை சேர்க்கவும். பூண்டு பற்களை உரித்து 10 பற்களை வைத்துவிட்டு மீதியை அரைத்துக் கொள்ளவும். மேலே சொன்ன பொருட்களில் எண்ணெய், உப்பைத் தவிர்த்து மற்ற அனைத்தையும் வெறும் வாணலியில் வறுத்து விழுதாக்கவும். வாணலியில் நல்லெண்ணெய் விட்டு காய்ந்ததும், பூண்டை வதக்கவும். புளிக்கரைசலுடன் அரைத்த விழுதை கலந்து, வதக்கிய பூண்டுடன் சேர்க்கவும். நன்கு கொதித்து கலவை கெட்டியாகி, எண்ணெய் பிரிந்து வந்ததும் இறக்கவும். இந்தக் குழம்பை சூடான சாதத்தில் ஊற்றி நல்லெண்ணெய் விட்டு சாப்பிட்டால், ஜலதோஷம், உடல்வலி ஓடிப் போகும் .
5in 1 கீரைக்கூட்டு
தேவையானவை: பொன்னாங்கண்ணிக்கீரை, அரைக்கீரை, முளைக்கீரை, சிறுகீரை, பருப்புக்கீரை (அனைத்தும் ஆய்ந்து சுத்தம் செய்த கலவை) - ஒன்றரை கப், கொள்ளு 2 டேபிள் ஸ்பூன், தேங்காய்ப்பால் ஒரு கப், வெங்காயம், தக்காளி, குடைமிளகாய் தலா 2, தோல் சீவி பொடியாக நறுக்கிய இஞ்சி சிறிதளவு, பூண்டு - 10 பல் , நெய், மிளகாய்த்தூள் தலா ஒரு டீஸ்பூன், மஞ்சள்தூள் - அரை டீஸ்பூன், உப்பு - சிறிதளவு.
செய்முறை: வெறும் வாணலியில் கொள்ளை வறுத்து பொடிக்கவும். மற்றொரு வாணலியில் நெய் ஊற்றி, நறுக்கிய வெங்காயம், தக்காளி, குடைமிளகாய், இஞ்சி, பூண்டு சேர்த்து நன்றாக வதக்கவும். பின்னர் ஆய்ந்த கீரைகள், மஞ்சள்தூள், மிளகாய்த்தூள், உப்பு சேர்த்து நன்றாக வதக்கவும். பின்னர் பொடித்த கொள்ளை சேர்த்து வதக்கி, தேங்காய்ப்பால் சேர்த்து ஒரு கொதி வந்ததும் இறக்கவும்.
கருத்துகள்
கருத்துரையிடுக